Contoh Percakapan Bahasa Sunda tentang Piknik

Jalan-jalan Virtual di Masa Pandemi

Cipt: Cefi Sutarya

Arsyad	:	“San, sakedap deui urang téh téréh lulus sakola. Abdi mah pami tos bérés ujian, badé liburan ah!”
Susanti	:	“Muhun Arsyad, asa cikénéh nya urang téh kelas genep, ayeuna urang tos badé lulus deui.”
Arsyad	:	“Leres pisan, Santi! Mugia urang saréréa dipaparin kamudahan ngaréngsékeun ujian-ujian kelas genep.
Susanti	:	“Aamiin…”
Arsyad	:	“Ari Susanti éngké badé liburan ka mana?”
Susanti	:	“Liburan? Ah moal ka mana-mana, sabab ayeuna mah tacan tiasa bébas, pan urang téh kedah mengurangi mobilitas!
Arsyad	:	“Leres San, liburan virtual wé atuh! Supados urang téh teu jenuh teuing. Nalika lebet di tsanawiyah, tos sumanget deui diajarna.”
Susanti	:	“Maksad jalan-jalan virtual téh naon kitu? Asa nembé nguping abdi mah.”
Arsyad	:	“Jalan-jalan virtual téh kagiatan liburan ka hiji tempat tapi ngalangkungan teknologi siga Google Earth jeung Google Street View. Tangtu meryogikeun jaringan anu saé, intina mah kedah ngeusian kuota.”
Susanti	:	“Oh kitu! Atuh moal raménya? Tetep wé jenuh da masih kénéh di imah sabenerna mah.”
Arsyad	:	“Muhun tapi resep San, sabab urang ningal foto atawa video anu kaayaanna mirip jeung kanyataanana. ”
Susanti	:	“Nya atuh abdi gé éngké bade jalan-jalan virtual wé, pikeun ngaleungitkeun jenuh ogé ngajagi protokol keséhatan.”
Arsyad	:	“Badé jalan-jalan virtual ka mana kitu?”
Susanti	:	“Hoyong… Jalan-jalan Virtual ka Pyramid of Giza, Eqypt.”